Ribari su u dva dana ulovili dva morska psa, jednog kod Rafailovića koji je bio dug skoro četiri metra, a drugog kod Žanjica Crnogorski ribari su u dva dana na Crnogorskom primorju ulovili dvije ajkule koje pripadaju vrsti morskih lisica.
Jedan morski pas uhvaćen je kod Rafailovića i bio je dug skoro četiri metra, a drugi kod Žanjica. Morska lisica inače može da naraste i do 6 metara i dostigne težinu do 450 kilograma. Ova vrsta, koliko se zna, nije opasna za ljude i barem dosad niko nije zabilježio napad na čovjeka.
Njegova glavna karakteristika je veliki rep u odnosu na ostatak tijela. Hrani se manjom ribom i živi na otvorenom moru, na udaljenosti od petnaestak kilometara od obale.
U mnogim zemljama morski pas lisica proglašen je ugroženom vrstom čije je izlovljavanje zabranjeno.
