Vođa osiromašenog naroda navodno teži gotovo 130 kilograma koji su posljedica uživanja u finoj hrani i piću. Njegova gojaznost je izvršila ogroman pritisak na njegova stopala i noge. Izvor koji je iz Severne nedavno došao u Južnu tvrdi da je Kim još uvijek u bolnici pod stražom njegovog tima. Obezbjeđenje je postavljeno oko odjeljenja bolnice u kojoj leži u Pjongjangu.
Vjeruje se da je Kim istegnuo mišić, a onda i slomio zglobove tokom napornih turneja po vojnim bazama i fabrikama tokom kojih je nosio cipele s ‘kubanskim petama’ kako bi bio viši i samim time izgledao kao veći autoritet.
Inače, Kim se još tokom studiranja u Švajcarskoj zaljubio u tamošnji sir pa uprkos zapadnim sankcijama uvozi ogromne količine svoje omiljene namirnice.
