Ozbiljan incident obilježio je MMA spektakl u Abu Dabiju “UAE Warriors 12”.
Ahmad Al Darmaki bio je glavni akter incidenta. Poznati borac je nakon borbe sa ruskim borcem Bogdanom Kirilenkom nasrnuo na poznatog sudiju Marka Godarda.
Darmaki je već u prvoj rundi uhvatio za vrat Rusa s leđa i doveo ga u bezizlaznu situaciju. Kada je vidio da Kirilenko tapkanjem signalizira predaju, sudija je pokušao da prekine meč, međutim, Darmaki nije popuštao. Godard je morao da se umiješa, oslobodio je ruskog borca, što je žestoko iznerviralo Ahmada, koji je u naletu bijesa nasrnuo na poznatog sudiju.
Dva puta ga je snažno odgurnuo, a zatim ga je uhvatio za kragnu. Ipak, sudija je bivši šampion u teškoj kategoriji, pa je lako smirio pobjesnelog Ahmada.
Borac iz Abu Dabija je odmah diskvalifikovan, pa je Kirilenko slavio ni kriv ni dužan.
