“Ovaj sud će otkloniti crnu mrlju koja stoji nad OVK i nikako se neće baviti slavnom borbom OVK”, rekla je Džejkobson, a prenosi javni servis RTK.
Ovaj sud će funkcionisati po zakonima Kosova i baviće se individualnim slučajevima, a neće biti više od 10 slučajeva koji će se naći u ovom sudu.
Pokret Samoopredjeljenje je, kako su prenijeli ostali mediji u Prištini, najavio proteste protiv Specijalnog suda jer u tom pokretu smatraju da su oni koji su postigli kompromis za formiranje ovog suda učinili to da bi zaštitili sebe od tog suda.
Mediji prenose da Samoopredjelenje, Alijansa za Buducnost Kosova, Inicijativa za Kosovo i jedan dio poslanika PDK-a neće glasati za specijalni sud u Skupštini Kosova gdje je potrebno da glasa 81 poslanik od ukupno 120 poslanika Skupštine.
Takođe poslanici LDK u Skupštini Kosova Armend Zemaj i Doruntina Maloku su izjavili da u istragu o posleratnim političkim ubistvima treba da uključe i “atentate političkih protivnika koje su se desilei na Kosovu i poslije 2000. godine”.
Profesor krivicčnog prava na Univerzitetu u Prištini Ismet Salihu je izjavio za Radio Kosovo da će ovaj sud u velikoj mjeri u svijetu pokvariti ionako loš imidž Kosova, dodavši da se onima koji će biti predmet ovog suda biti suđeno po krivičnom zakonu Jugoslavije od 1998. do 2000. godine.
