Albanska Vlada radi na planu udruživanja carinske kontrole sa Kosovom, izjavio je danas albanski ministar za ekonomski razvoj, trgovinu i preduzetništvo Arben Ahmetaj tokom radionice o kreiranju zajedičkog tržišta za Albaniju, Kosovo, Crnu Goru i Makedoniju.
“Pokrećemo inicijativu za olakšanje trgovine sa Kosovom. Srednjoročni cilj podrazumijeva samo kontrolno osoblje u luci Drač za svu robu koja ulazi u Albaniju, a kao krajnje odredište ima kosovsko tržište”, rekao je ministar.
Kosovo je u poslijednjih pet godina najveću trgovinsku razmjenu imalo sa Albanijom, sa kojom je u datom periodu obim trgovine udvostručen.
Ahmetaj je naglasio da novi ekonomski model ima za cilj jačanje proizvodnog sektora i otvaranje novih radnih mjesta.
