U aprilu prošle godine, administrativnom greškom, vijeće okruga Lichfild uplatilo je više od 63.000 eura na Michaelin račun. Iako ovu uplatu nisu mogli da spriječe, uspjeli su da zaustave narednu transakciju od 53.700 eura.
Policija je Michaelu pronašla par dana kasnije, kada je ona već potrošila preko 11.000 eura na skupu garderobu i lagodan život, a i svoju majku je častila sa 1.200 eura.
Pri hapšenju, policija je otkrila da je Hutchings, uz savjet svog bankara, koji nije znao kako je izvršena ova transakcija, prebacila 48.000 eura u investicioni fond.
– Moja klijentkinja je znala da će se sve loše završiti po nju. Novac je zadržala uz nagovor njenog bivšeg dečka. Do sada nikada nije prekršila zakon – rekao je Michaelin advokat, Filip Bredli.
Michaela Hutchings u ponedjeljak je na sudu u Stafordu proglašena krivom za nepoštenje i zadržavanje nezakonito stečenog novca. Osuđena je na godinu dana društveno korisnog rada.
