Uprava FK Trabzon je odlučila da zavede red i kazni svakoga ko mu uništava imovinu. Klub je nedavno otvorio svoj novi stadion “Medikal park arenu“ i kaznili su prvog navijača koji je snimljen da narušava red na tribinama.
I to vrlo originalno: momak kog je kamera snimila da stoji na stolici, mora za kaznu da opere 10.000 stolica!
– Vidjeli su da sam stao na stolicu, pa su me kaznili. Mi plaćamo ulaznice, ali to ne može da kupi nove stolice. Trabzon je naš, moramo da ga zaštitimo – brzo je shvatio kaznu okrivljeni koji je za javnost ostao anoniman.
Trabzon je situaciju iskoristio da upozori navijače.
– Nismo se šalili kada smo rekli da je ovo naš novi dom. Da li ikada kod kuće u patikama skačete po namještaju? – poručili su iz kluba navijačima.
